Gazetarja Lindita Berisha e cila u sulmua një ditë më parë nga një grua tek Rruga B në Prishtinë, thotë se është në gjendje jo të mirë shëndetësore, raporton teve1.info
Përmes një statusi publik në faqen e saj në Facebook, Berisha ka shkruar se do t’i drejtohet edhe medieve pas raportimit në stacionin e Policisë, derisa i ka falënderuar të gjithë për mbështetjen.
“Së pari, faleminderit për gjithë mbështetjen që më keni ofruar publikisht deri më tani për rastin e djeshëm ku isha viktimë e një sulmi nga dy persona! Pasi që më duhet t’i kryej procedurat e nevojshme në instancat e drejtësisë dhe shkaku i gjendjes jo të mirë shëndetësore, kam vendosur të prononcohem për të gjitha mediat njëherësh! Takohemi tek stacioni i policisë – jugu (ish-hotel Victoria) ne ora 13:00! Faleminderit për mirëkuptim edhe njëherë!”, ka shkruar Berisha.