Nga 82 prona që posedon Posta e Kosovës, 19 prej tyre janë të uzurpuara.
Këto prona në komunat me shumicë serbe, i ka në shfrytëzim Posta e Serbisë.
E njëra ndër to është edhe kjo në Komunën e Shtërpcës.
E përveç Postës së Serbisë, këtë objekt e shfrytëzon edhe MTS.
Ndërsa afër 300 metra larg saj, afër objektit të Komunës gjendet e vendosur Posta e Kosovës.
Posta e Kosovës thotë se për këtë çështje është njoftuar edhe Qeveria.
Sipas tyre, uzurpimi i pronave ndërlidhet me çështjet e politikës, prandaj fushëveprimi në këtë rast është i kufizuar.
“Sipas evidencave që posedojmë, prona të uzurpuara ka edhe në enklavat tjera serbe siç janë: Graçanica, Babin Most, Gushterica, Lepina, Mitrovica e Veriut, Leposaviqi, Leshak, Soçanica, Prilluzhë, Zubin Potok, Zupç, Zveçan, Banjska, Rezallë, Zhitkoc, Drakoc, Ranillug dhe Pasjan”, tha Salih Morina, Ushtruesi i Detyrës së Drejtorit të Drejtorisë për Çështje Ligjore në Postën e Kosovës.
Përveç pronave aktive që ka Posta e Kosovës, ajo posedon edhe disa me qira.
Raporti i gazetares Fetije Kamberi.
