Sipas tij, për fat të mirë vetura ka qenë e blinduar, përshdryshe sot do të flitej për pasoja në njerëz.
“Unë mendoj që ky është një akt kriminal i shëmtuar, dhe për fat të mirë nuk kemi pasoja në njerëz, policët janë mirë dhe shëndosh dhe për fat që vetura ka qenë e blinduar, përndryshe sot do të flisnim për viktima, për njerëz të vdekur e për gjëra tjera. Pra, Policia e Kosovës dhe AKI-ja kanë informata të intelegjencës se kush mund të jenë kryesit e këtyre veprave, ata ndoshta mund të jenë në territorin serb, sido që të jetë Policia e Kosovës dhe Prokuroria e Shtetit duhet gjithsesi t’i hetojë dhe t’i zbulojnë këta persona dhe ti vënë para drejtësisë”, deklaroi Qalaj.
Mirëpo, shqetësuese për Qalajn është fakti se policët e Kosovës nuk e kanë kthyer të shtënën, prandaj duke u nisur edhe nga incidentet që kanë ndodhur më herët, është dashur t’i marrin masat pro aktive.
“Ajo çfarë mua më brengos, është se policët e Kosovës nuk e kanë kthyer të shtënën, sepse në këto raste kur dikush e gjuan policin, polici është i mandatuar me ligj ta kthejë zjarrin, dhe kudo, kurdo, kushdo që e sulmon policin, polici duhet t’i përgjigjet me zjarr në mënyrë që ta eliminojë kërcënimin. Unë mendoj që të gjitha këto incidente që kanë ndodhur më herët, është dashur t’i marrin masat pro aktive që të rritet numri i policëve, të kenë armë të gjata, të jenë të përgatitur, dhe të përgjigjen në çdo kërcënim që u vie. Tanimë duhet të jetë më e madhe prezenca e Policisë së Kosovës jo vetëm në pikat kufitare dhe brezin kufitar, por po ashtu të jenë prezentë në të gjitha komunat veriore”, tha tutje ai.
