Prokuroria Themelore e Prishtinës, ka ngritur aktakuzë ndaj dy të dyshuarve për vrasjen e 18-vjeçarit nga Podujeva, Lulzim Fejzullahu, raporton teve1.info
Lajmin për Tëvë1 e ka konfirmuar vet avokati Tomë Gashi.
“Po, është ngritur aktakuzë për “Vrasje të rëndë””, deklaroi Gashi për Tëvë1.
Dy të dyshuarit deri më tani kanë qenë në paraburgim.
Organi i akuzës rastin fillimisht e kishte iniciuar si “Vrasje në tentativë”, e më pas është ricilësuar në “Vrasje”.
Një muaj pas vrasjes, më 13 shkurt, dy të miturit të cilët dyshohen për vrasjen e 18-vjeçarit Lulzim Fejzullahu, kishin shfrytëzuar të drejtën për t’u mbrojtur në heshtje para prokurorit të rastit.
Më 20 janar, Prokuroria ka konfirmuar masën e paraburgimit për të dyshuarit, e cila është aprovuar dhe të dyshuarit aktualisht ndodhen nën masën e paraburgimit.
