Kryetari i Prishtinës, Përparim Rama u ka uruar të gjithë besimtarëve katolikë Pashkët.
Rama përmes një postimi në Facebook, ka shkruar se në këtë ditë të Pashkëve të mbizotërojë respekti, toleranca dhe dashuria.
“Gëzuar Pashkën të gjithë besimtarëve katolikë!
Në frymën e ringjalljes, le ta kremtojmë këtë Pashkë si triumf të së mirës ndaj së keqes, të dritës ndaj errësirës, duke u lutur që të mbizotërojë harmonia, toleranca, respekti dhe dashuria në zemrat tona.
Pashkë të mbara e të gëzuara”, shkroi Rama./teve1.info/