Mjeku, Bajram Koci ka vdekur sot në moshën 72 vjeçare.
Gjatë punës së tij profesionale ai kishte pasur pozita të ndryshme në vend, duke përfshirë edhe pozita udhëheqëse në Qendrën Klinike Universitare të Kosovës(QKUK).
Tutje, thuhet se në QKUK ai punoi edhe si specialist i Anesteziologjisë për shumë vjet.
“Me dhimbje dhe pikëllim pranuam lajmin për vdekjen e Dr. Bajram Koci, specialist i Anesteziologjisë dhe Reanimimit. Dr. Koci, ishte ndër të parët që dha kontribut të çmuar në themelimin e Klinikës së Anestezionit dhe Mjekimit Intensiv në QKUK. Për një kohë ishte edhe drejtor mjekësor në QKUK, duke kontribuar në themelimin dhe mbajtjen e shumë shërbimeve në Kosovën e pasluftës”, thuhet në njoftimin e ShSKUK-së.
ShSKUK, i shpreh ngushëllime familjes Koci, kolegëve dhe gjithë komunitetit mjekësor për këtë humbje të madhe.
Gjatë luftës së fundit, Koci ishte mjek i UÇK-së.
Varrimi i të ndjerit bëhet të shtunën në ora 14:00 në varrezat e fshatit Polac të Skenderajt.
