Avokati, Skender Musa ka thënë se nëse ngritët aktakuzë ndaj ambasadorit të Kosovës, Martin Berishaj, atëherë ai duhet të shkarkohet.
Ai në emisionin “Ditari” në Tëvë1 ka thënë se në asnjë vend të botës nuk mund të qëndrojë një ambasadore me aktakuzë në detyrë.
“Nuk ka ambasadorë me aktakuzë, kjo nuk ndodhë as në Afrikë, në Evropë nuk vjen në shprehje me pas ambasadorë me aktakuzë, mirëpo nuk ka në asnjë shtete sepse ambasadori është pasqyre e shtetit në botë për vendin që përfaqëson”, ka deklaruar ai.
Tutje, Musa ka thënë se Prokuroria Speciale nuk interviston nëse nuk ka dyshim të bazuar.
Ai tha se nuk mundët të intervistohet një person për ta “pastruar” vetën, pasi sipas tij në këtë rast prokurori shkel detyrën zyrtare.
“Prokuroria Speciale nuk interviston nëse nuk ekziston dyshimi, nëse nuk ka një kallëzim penal. Nuk mundët me intervistu prokurori special për më “shpërla” dikë, por duhet me egzistu një dyshim i bazuar, një dyshim i arsyeshëm, i bazuar për më mujtë me shku me u intervistu nga prokurori special. Prokurori e shkel detyrën zyrtare nëse interviston dikë pa dyshim të bazuar për shkak se një person po dëshiron më ‘pastru’ vetën se nuk është i akuzuar. Pas intervistimit të tij, natyrisht se do të mblidhen prova të tjera, se a ka pasur tërheqje kesh nga bankat e Kosovës, nëse ka pas sa është limiti i caktua?…nga kanë shkuar ato para dhe kështu më radhë”, ka deklaruar ai.
Ndryshe, avokati i Berishajt, Tomë Gashi ka shkruar se Martin Berishaj që nga data 27 janar 2023 ka paraqitur kërkesë për të dhënë deklaratë sqaruese në Prokurori lidhur me akuzat ndaj tij.
“Martin Berishaj qysh me 27.01.2023 ka paraqit kërkesë për të dhene deklarate sqaruese ne Prokurorine Speciale te Republikes se Kosoves lidhur me pretendimet qe kanë dale ne media. Martini tashme ka dhene deklarate ne PSRK. Deklarata e tije eshte konfidenciale”, ka shkruar avokati Gashi.
Tutje ai ka shkruar se nuk mund të jap asnjë informacion lidhur me deklaratën e Berishajt.
Vitin e kaluar, mediat sllovene shkruajtën për një skandal të madh financiar, ku ishte i përfshirë Robert Golob, kryetar i Partisë së Lirisë. Në këtë aferë, ku dyshohej për shpëlarje parash, dukej që ishte përfshirë edhe ambasadori Berishaj.
Një televizion slloven, Planet TV, kishte raportuar se mbi gjysmë milion euro, në kesh, janë bartur prej Malit të Zi për në Slloveni, kurse rolin e mushkës, ose të transportuesit të parave e ka kryer ambasadori i Kosovës, z. Berishaj./teve1.info