Ministri i Punëve të Brendshme, Xhelal Sveçla, me ftesë të homologut i tij, Taulant Balla, mori pjesë në një vizitë zyrtare në Shqipëri.
Përmes një njoftimi nga Ministria e Punëve të Brendshme, është bërë e ditur se gjatë kësaj vizite, ata u dakorduan që Policisë së Kosovës t’i bashkohet Taskforca e Përbashkët e Migracionit.
“Ministri i Punëve të Brendshme, z.Xhelal Sveçla, me ftesë të homologut i tij në Qeverinë e Republikës së Shqipërisë,z.Taulant Balla, mori pjesë në një vizitë zyrtare në Shqipëri. Gjatë kësaj vizite, ata u pajtuan që Policisë së Kosovës t’i bashkohet Taskforcës së Përbashkët të Migracionit. Ky bashkëpunim do të realizohet nëpërmjet koordinimit të autoriteteve ligjzbatuese të Republikës së Shqipërisë dhe Mbretërisë së Bashkuar”, thuhet në njoftim.
Po ashtu, Sveçla ka shprehur gatishmërinë e plotë të Kosovës për të bashkuar forcat në Taskforcë të Përbashkët të Migracionit.
“Qëllimi i kësaj nisme është koordinimi i veprimeve në kontrollin e migracionit, ndërtimi i baza të të dhënave dhe zhvillimi i hetimeve të perbashkëta për të reduktuar lëvizjet e paligjshme dhe krimin e organizuar në këtë fushë”, thuhet tutje në njoftim.
Më tej, kanë shkruar se pjesëmarrja e Kosovës në këtë taskforcë të përbashkët, dëshmon përkushtimin e Qevrisë për sigurinë rajonale dhe për adresimin e sfidave kriminale të migracionit./teve1.info/.
