Ministri i Administrimit të Pushtetit Lokal, Elberit Krasniqi, ka pritur në takim ministren për Çështje Evropiane të Malit të Zi, Maida Gorçeviq.
Përmes një postimi në Facebook, Krasniqi ka bërë të ditur se gjatë takimit kanë diskutuar për bashkëpunimin ndërkufitar, fuqizimin e raporteve dhe iniciativa tjera në interes të përbashkët.
Po ashtu, ka njoftuar se në fund të takimit janë dakorduar që bashkëpunimi mes Kosovës dhe Malit të Zi të thellohet përmes programeve dhe projekteve konkrete.
“Bashkëpunimi ndërkufitar, fuqizimi i raporteve në mes të komunave të zonave ndërkufitare në implementimin e projekteve nga fondet IPA, dhe iniciativat tjera në interes të përbashkët ishin temat kryeesore të cilat i diskutuam në takimin bilateral me Ministren për Çështje Evropiane të Malit të Zi, znj. Maida Gorčević. Pasi i urova mirëseardhje në Republikën e Kosovës, Ministren znj. Gorčević., e falëndeova për bashkëpunimin korrekt dhe marrëdhëniet e mira në mes të dy shteteve duke synuar thellimin e këtij bashkëpunimi në fushat me interes të përbashkët”, ka shkruar Krasniqi në Facebook.
Po ashtu, Krasniqi ka njoftuar Gorçeviq për projektet dhe programet e ministrisë të cilat përfshijnë avancimin e agjendës legjislative, zhvillimin ekonomik lokal dhe dixhitalizimin e shërbimeve komunale.
Në fund të takimit u dakorduam që bashkëpunimi ynë të thellohet përmes programeve dhe projekteve konkrete./teve1.info/.
