Ardhja në shtëpi doli të jetë tragjike për Zejnije Gubetini – Gashin.
Të shtënat mes dy grupeve në Kolovicë qëlluan të martën 48 vjeçaren, e cila me urgjencë u dërgua në QKUK.
Mirëpo e njëjta nuk arriti t’i përballojë plagët e marra.
E si pasojë ndërroi jetë të mërkurën në spital.
Ndërsa për varrimin e së ndjerës njoftuan familjarët.
Kurse të enjten, para namazit të ikindisë, në lagjen Arbëria në Prishtinë, qindra njerëz u mblodhën.
Duke ia shprehur ngushëllimet njëri tjetrit, e pas namazit për të ndjerën, u nisën drejt varrezave.
Por lamtumira e fundit ishte e rëndë për familjarët.
Prandaj pranë tyre erdhi ndihma e shpejtë.
Zejnije Gubetini – Gashi u vra aksidentalisht natën e 26 marsit në lagjen Jeronim de Rada në Prishtinë.
