Për dy anëtar çdo muaj detyrohet të blejë 60 pako të tilla me ujë.
Ilmi Pllana banor i lagjes Kodra e Trimave në Prishtinë, tash e një vit është duke u përballur me mungese të ujit.
Për këtë arsye për pirje dhe për nevoja të tjera higjienike ai detyrohet të blejë.
E ky problem po i shkakton vështirësi të shumta.
“Unë e paguaj një kamionët që ma bien ujin prej një gatuni, prej Siqeve, dhe e zbrazi me motor, ne këta bidonat. Ujin për pije e blejë, me paletë e blejë. 100 ero paletën 60 kompleta”, thotë Ilmi Pllana, banor i kësaj lagje.
Madje ai thotë se disa herë ka dërguar ankesë në kompaninë e ujësjellësit e në komunën e Prishtinës.
“Kam qenë 20 herë kam bërë kërkesë në Ujësjellës edhe në Komunë kamë qënë dy herë e kam bërë lutjen por nuk merret askush me këtë punë”, shprehet ai.
Por jo vetëm, Pllana, me mungesë të ujit po përballen disa familjen në lagjen Kodra e Trimave në Prishtinë.
Njëri nga ta është kryefamiljari, Nyret Brajshori, i cili tregon sfidat me të cilat po përballet tash e një vit.
“Vështirësi tepër të madhe, njëri as sytë me la nuk po ke qysh kur po shkon në punë, po detyrohem me shku në punë pa la sytë, kemi bërë ankesë edhe në ujësjellës kanë ardhur inspektorat e kanë kqyrë bazë është shtypja është mirë, por ku është problem nuk e di. Janë një 30-40 shtëpi por krejt janë më përforcime,që kanë ngjitë pompat”, shprehet ai.
E probleme më të mëdha po kanë gjatë stinës së verës.
Nga kompania Rajonale e Ujësjellësit në Prishtinë përmes një përgjigje me shkrim kanë treguar se kur do të rregullohet ky problem.
“Ketë vit është planifikuar te ndërtohet rrjet i ri aty, punime tokësore për furnizim me ujë”, ka thënë zëdhënësja Arjeta Mjeku.
Banorët e lagjes Kodra e Trimave presin që sa më shpejt ky problem me ujë të rregullohet.
