Të mbijetuarit e Masakrës së Krushës së Madhe në Rahovec sot u mblodhën në hapjen e Muzeut, në të cilin u mblodhën dëshmitë e krimit makabër të forcave serbe me 25, 26 dhe 27 mars të vitit 1999. 25 vjet pas, mbi supet e tyre rëndon dhimbja dhe rënkimi për drejtësi. Rrëfime nga ajo ditë tmerri na sjell kronika e gazetares, Fetije Kamberi.
Fotografia e tij u vendos në Muzeun e Masakrës së Krushës së Madhe në Rahovec.
Para 25 viteve, Ismet Dana ishte në këtë traktor me plagë të rënda.
Edhe sot, brenda trupit të tij janë pesë gëzhoja të plumbave që i shkrepën forcat serbe26 marsin e vitit 1999.
Ai rrëfen se si kishe përfunduar me këto plagë që i shihen edhe në të tjera fotografi.
Por 82-vjeçari thotë se nuk kishte dhimbje, por e shihte vetëm gjakun.
E lumtur për jetësimin e muzeut shprehet Vera Hoti, edhe pse brenda familjes së saj ka ende persona që janë të pagjetur.
Pak metra larg muzeut, gjenden varret e atyre që humbën jetën për lirinë e Kosovës.
Para varrit të djalit të tij 24 vjeçar po qëndron edhe Shemsedin Zeneli.
Zeneli tregon se si forcat serbe e ndanë nga i biri.
E ditën e 26 marsit të vitit 1999 ende e ka të freskët Nanije Hoti.
Ajo kujton momentin se si e pa vëllaun e saj dhe djemtë e axhës duke u ekzekutuar.
Më 25, 26 dhe 27 mars në Krushë të Madhe, forcat serbe kishin masakruar 243 civil shqiptarë.
Kjo masakër është më e madhja në Kosovë gjatë luftës së viteve 1998-1999.