Selektori i Kombëtares së Kosovës në hendboll (femrat), Agron Shabani ka shpallur listën e hendbollisteve për duelet me Poloninë.
Për Kosovën, dy ndeshjet me Poloninë janë të rëndësishme dhe i takojnë fazës kryesore kualifikuese për “Euro 2024”.
Ndeshja e parë luhet në Prishtinë më 4 prill prej orës 17:45, ndërsa e dyta zhvillohet në Poloni tri ditë më vonë. Kosova dhe Polonia janë në Grupin 8, të cilin e përbën edhe Danimarka.
Shabani ka ftuar 17-të hendbolliste, ndërsa grumbullimi i Kosovës nis më 29 mars në Prishtinë. Deri në ditën e ndeshjes, Kosova do t’i ketë nga dy stërvitje në ditë.
Federata e Hendbollit të Kosovës (FHK), ka bërë të ditur se shkaku i obligimeve personale, në këtë grumbullim mungon Fitore Aliu.