Ministri i Mbrojtjes, Ejup Maqedonci, ka pritur sot në takim gazetarët nga Ukraina, të cilët janë të strehuar në Kosovë, si pasojë e luftës në vendin e tyre.
Në faqen zyrtare të MMRK-së thuhet se Maqedonci ka shpreh kënaqësi për këtë takim me gazetarët ukrainas, për të cilën sipas tij, Kosova është bërë shtëpia e dytë e tyre.
“Ai theksoi se ndonëse larg atdheut të tyre, Ukrainës, gazetarët ukrainas përmes artikujve të tyre vazhdojnë të shpërfaqin dhe të mbrojnë të vërtetën e pamohueshme të invazionit të paprovokuar të Federatës Ruse mbi Ukrainën”, thuhet në njoftim.
Ai tutje ka thënë se Kosova do të vazhdojë t`a mbështet Ukrainën.
“Si një shtet që kemi kaluar luftën e kuptojmë dhimbjen që sjellë, por po ashtu jemi thellësisht të bindur që në fund do të fitojë e drejta, do të fitojë populli i Ukrainës. Fitorja e tyre është fitore e gjithsecilit që beson në vlerat e demokracisë, është fitore e secilit popull që ka sakrifikuar shumë për lirinë”, tha ndër të tjera ministri Maqedonci duke shtuar se Kosova do të vazhdojë mbështetjen e pakursyer për Ukrainën brenda të gjitha kapaciteteve që ka”, tha Maqedonci.
Ndryshe, Maqedonci e ka konfirmuar se këtë javë do të niset pakoja e parë mbështetëse ushtarake, ndërsa siç tha ai, është duke u përgatitur edhe pakoja e dytë, e cila përbëhet nga mijëra predha të mortajave./teve1.info/