Policia e Kosovës së bashku me Inspektoratin e Komunës së Prishtinës, sot kanë zhvilluar një aksion të përbashkët për identifikimin dhe trajtimin e aktiviteteve ilegale të transportit urban, duke përfshirë taksistët pa licencë, linjat e autobusëve dhe kombibusët.
Drejtori i Inspektoratit, Florian Dushi ka thënë se ky aksion i sotëm është për të menaxhuar mbingarkesën e trafikut dhe për të përmirësuar qarkullimin në rrugët e Prishtinës.
“Dushi shprehu se këto veprime janë jetike për të menaxhuar mbingarkesën e trafikut dhe përmirësuar qarkullimin në rrugët e Kryeqytetit, duke shtuar se janë vendosur pika kontrolle në zona të caktuara për të monitoruar dhe vlerësuar situatën e trafikut”, thuhet në njoftimin e Komunës së Prishtinës./teve1.info/