Ministri i Infrastrukturës, Liburn Aliu ka bërë të ditur se është nënshkruar kontrata në vlerë prej 21 milionë euro për fillimin e ndërtimit të rrugës Prishtinë-Pejë, segmenti Kijevë-Dollc.
Sipas njoftimit të tij në Facebook, Aliu ka thënë se kjo rrugë do të ndikojë në jetën e mijëra banorëve dhe do të shërbejë si mundësi për zhvillim ekonomik të Kosovës.
“Rruga është me katër korsi, e ndarë në 4 llote, dhe përshkon gjatësi totale prej 12.8 km, rrugë e cila do të ndikojë drejtpërdrejt në jetën e mijëra banorëve dhe do të shërbejë si mundësi për zhvillim ekonomik të vendit”, ka shkruar Aliu./teve1.info/