Ministrja e Punëve të Jashtme, Donika Gërvalla ka kujtuar martirët e Krushës së Madhe në 25-vjetorin e vrasjes së tyre.
Gërvalla ka shkruar se martirët e Krushës së Madhe, Krushës së Vogël dhe masakrave tjera të shtetit gjenocidal serb në Kosovë, janë sakrificë e papërshkrueshme e gjithë Kosovës.
Tutje ajo ka thënë se sakrifica e tyre është detyrimi i gjithë shqiptarëve për të ndërtuar dhe forcuar Kosovën.
“Martirët e Krushës së Madhe, Krushës së Vogël dhe masakrave të tjera të shtetit gjenocidal serb në Kosovë, sakrifica e papërshkrueshme e të gjithë qytetarëve të Kosovës janë themel i lirisë dhe shtetësisë sonë. Asnjëherë nuk do rreshtim së kujtuari dhe nderuari të gjithë ata që dhanë jetën për lirinë e Kosovës. Sakrifica e tyre është detyrimi ynë sublim për të ndërtuar dhe forcuar Republikën e Kosovës si shtet të qytetarëve të saj”, ka shkruar Gërvalla në Facebook./teve1.info/