Përmes një postimi në Twitter, Petkoviq citoi një thënie serbe “një mizë i ra ariut”.
“Ofendimet ndaj presidentit Aleksandar Vuçiq nga presidentja e Kosovës, Vjosa Osmani, që thotë se ai jeton në të kaluarën tregon se Vuçiqi goditi në target kur ai foli për politikanët e Prishtinës. Është interesante se si e njohu veten zonja Osmani dhe kjo është një mundësi për të mësuar një thënie tjetër serbe – një mizë i ra ariut!”, shkroi ai.
Ndryshe, Osmani nga qyteti i Mitrovicës ka folur rreth deklaratave të Vuçiqit ndaj kryeministrit të Kosovës dhe presidentit malazez që i quajti si “hiena” dhe veten e pa si një “ujk i vetmuar”.
”Ne nuk duhet të befasohemi nga gjuha e ministrit të Millosheviqit. Ai edhe në vitin 2022, ai po e dëshmon regjimin e shekullit të kaluar. Një njeri që vazhdon mendësinë e Millosheviqit, nuk mund të presim se mund të flasë me një mendësi të argumentuar”, ka thënë Osmani./teve1.info/
