Deputetja e Lidhjes Demokratike të Kosovës, Hykmete Bajrami ka kritikuar ministren e Arsimit, Arbërie Nagavci duke thënë se i bën “kërrsh” përqindjet.
Kështu tha Bajrami pas një deklarateje të Nagavcit në një studio televizive e cila kishte deklaruar se gjatë mandatit të saj janë ndërtuar 850 për qind me shumë çerdhe se në gjatë viteve 2003-2020.
Madje për këtë deklaratë Bajrami tha “s’din njeri a me qeshë a me qajtë”.
“Ministrja e arsimit i bën kërrsh përqindjet Këta a janë analfabetë funksional apo na trajtojnë të gjithëve si të tillë?! Ministrja Nagavci paska thënë më KTV se gjatë mandatit të saj janë ndërtu 850% me shumë çerdhe se në gjatë viteve 2003-2020, sipas saj i bie që prej vitit 2003 deri në vitin 2020 në Kosovë është ndërtu një gjysmë çerdhe, kjo mandej e ka rritë numrin për 850%, pra prej 1/2 tash janë bë 4. Për besë s’din njeri a me qeshë a me qajtë. P.S. 160 çerdhe i kanë premtu brenda mandatit”, shkroi Bajrami./teve1.info./