Asociacioni i Komunave të Kosovës ka njoftuar se katër komunat e veriut janë anëtare të këtij Asociacioni.
Sipas njoftimit, thuhet se ato nuk janë tërhequr nga Asociacioni asnjëherë zyrtarisht me vendime të Kuvendit Komunal të komunave përkatëse.
“Me qëllim të informimit të opinionit publik Asociacioni i Komunave të Kosovës konfirmon se katër komunat e pjesës veriore të Kosovës janë anëtare në Asociacion dhe nuk ka pasur asnjë refuzimin të kërkesave të tyre. Ato nuk janë tërhequr nga Asociacioni asnjëherë zyrtarisht me vendime të Kuvendit Komunal të komunave përkatëse. Prandaj Asociacioni i Komunave të Kosovës, nuk ka mundur të shqyrtojë, të ripranojë sepse ato nuk kanë bërë tërheqje zyrtare. Në shtator kanë bërë vendime, në nëntor na kanë ardhur vendimet e tyre. Nëse nuk janë tërheqë nga Asociacioni zyrtarisht me vendime të Kuvendit Komunal, nuk mundemi m’i pranu, ato janë të pranuar. I kemi involvuar, edhe sot kanë qenë të ftuar të marrin pjesë në takim të Këshillit të Kryetarëve, gjithashtu e kanë konfirmuar se do të vijnë në një vizitë që e kemi javën e ardhshme. Ne nuk mundemi të shqyrtojmë diçka që ata janë veç të pranuar”, thuhet në njoftimin e AKK-së.
Tutje thuhet se ky sqarim bëhet pas pretendimeve në mbledhjen e Këshillit të Kryetarëve kinse për mos trajtim të kërkesave të tyre.
Po ashtu Asociacioni i Komunave të Kosovës, ka publikuar deklaratën e z.Nenad Radosavleviq, ish-kryetar i komunës së Leposaviqit dhe ish nën/kryetar i AKK-së për anëtarësim në AKK.
