Shtrati i lumit Llap në Komunën e Podujevës është dëmtuar. Sa i përket kësaj gjendje nga opozita fajësojnë pushtetin në këtë komunë ndërsa nga komuna fajin ua lënë vërshimeve të vitit 2021 në Podujevë dhe pushteti të kaluar për mos ndërtim të mirë të shtratit të lumit.
Pak metra larg qendrës së qytetit të Podujevës është Lumi “Llap”.
Por, gjendja në të cilën ndodhet nuk është fortë e mirë.
Dëmtimin e shtratit të lumit e shohin shqetësuese opozita në këtë komunë.
Sipas tyre e gjithë përgjegjësia për këtë çështje i bie partisë në pushtet.
“Komuna e Podujevës planifikoj ndërtimin e kaskadave në lumin Llap kështu që mendoj që është edhe arsyeja më e fuqishme pse është dëmtu shumë kështu shtrati i lumit pasi muaj më vonë ka pas edhe vërshime dhe në ato vende ku janë vendos kaskadat është dëmtu më së shumti. U dhanë 8 mijë euro për ndërtimin e kaskadave pastaj kontraktohet një kompani me negocim direkt që kushton 16 mijë euro për largimin e kaskadave që dmth i bëhet dëm komunës 24 mijë euro”, tha Qëndrim Softollil nga LDK.
Edhe nga Komuna e Podujevës, thonë që gjendja e shtratit të lumit “Llap” nuk është e mirë.
“Nuk e mbaj në mend se kur e kanë ndërtuar ata e që e kanë ndërtu keq e jo mirë edhe tash ka fillu mu dëmtu shtrati, ka dëmtime në pjesën e poshtme të lumit kogja të mëdha. Me thënë të drejtën një dëmtim vitin e kaluar e kemi rregullu në këtë pjesën tek xhamia ka qenë një dëmtim i ngjashëm sikur atje. Këto janë pasojë e vjetërsisë së rregullimit të shtratit po edhe mungesës së profesionalizmit në projektimin e rregullimit të këtij shtrati”, deklaroi drejtori i Shëbrimeve Publike në këtë Komunë, Bahri Selimi.
Ndër të tjera drejtori njoftoi se në projektin e ri që është paraparë gjatë vitit 2024 do të rregullohet i gjithë shtrati i lumit.
Ky projekt është në vlerë prej 170 mijë euro.
