Këshilli Gjyqësor i Kosovës po synon që t’i shtrenjtojë taksat gjyqësore. Aryset e kësaj, ky institucion nuk i ka dhënë. Ndërkohë njohës të drejtësisë këtë iniciativë e shohin si të papranueshme, që cënon qasjen në drejtësi për qytetarët. Madje në këtë çështje kërkojnë përfshirjen e Ministrisë së Drejtësisë.
Një udhëzim administrativ është përgatitur nga Këshilli Gjyqësor i Kosovës, për taksat gjyqësore.
Përmes këtij UA, në të gjitha kategoritë ka rritje të vlerës së taksës, e cila në disa raste shkon deri në 500%.
Për këto po i bëhet thirrje KGjK-së që të tërhiqet nga ky propozim.
Rritja e këtyre taksave, vlerësohet se shkakton pengim për qytetarët në qasje në drejtësi.
Vlerat e reja të përcaktuara po konsiderohen si të papranueshme, derisa kërkohet ndërhyrja e Ministrisë së Drejtësisë, që këtë çështje ta rregullojë me ligj.
Televizioni ka kontaktuar me KGjK për të mësuar arsyet e rritjes së vlerave të taksave gjyqësore, por nuk ka marrë përgjigje.
