Kryeministri i vendit, Albin Kurti, mori pjesë në shënimin e Ditës Ndërkombëtare të Irlandës.
Kurti në fjalën e tij hyrëse, theksoi faktin se Irlanda është një ndër vendet e para që njohu shtetësinë e Kosovës, duke e cilësuar fuqizimin e marrëdhënieve dypalëshe si një nga bekimet e vitit 2024.
“Në këtë festë të dyfishtë, duke e cilësuar si një nderë të madh që ndodhet aty për të festuar, Kryeministri Kurti u shpreh se Kosova dhe Irlanda kanë pasur gjithmonë marrëdhënie miqësore që nga shpallja e pavarësisë së Republikës së Kosovës. Ai nënvizoi faktin që Irlanda ishte ndër vendet e para që njohu shtetin dhe shtetësinë tonë, qysh dymbëdhjetë ditë pas shpalljes së pavarësisë. Kurti e cilësoi fuqizimin e marrëdhënieve dypalëshe ndërmjet Kosovës dhe Irlandës si një nga bekimet e vitit 2024. Në më pak se dy muaj u realizuan dy vizita shtetërore bilaterale”, thuhet në komunikatë.
Po ashtu, Kurti ka thënë se në një kohë kur kërcënimet e terrorizmit dhe agresionit në rajon janë në rritje, integrimi i Kosovës në institucionet Euro-Atlantike është më i rëndësishëm si asnjëherë më parë për paqen në rajon.
“Ne në Kosovë e vlerësojmë dhe e çmojmë partneritetin tonë me Irlandën. Në një kohë kur kërcënimet e terrorizmit dhe agresioni në rajon janë në rritje, integrimi i Kosovës në institucionet Euro-Atlantike është më i rëndësishëm se asnjëherë më parë për paqen, sigurinë dhe të drejtat e njeriut në Ballkanin Perëndimor”, ka shtuar tutje Kurti.
Kryeministri gjithashtu foli edhe për historinë e rëndësishme të Ditës së Shën Patrikut./teve1.info/.
