Kuvendi i Kosovës ka organizuar seancë solemne në nderim të kontributit të grave deputete të ët gjitha legjislaturave, raporton teve1.info
Në seancën e hapur nga kryetarja e Grupit të Grave Deputete, Tinka Kurti, u mbajt edhe një minutë heshtje në nderim të grave deputete që nuk jetojnë më.
Kurti tha se gratë nuk kanë pensionim meritor, pasi sipas saj ato duhet të kontribuojnë me përvojën e tyre e cila duhet të institucionalizohet.
Kurti po ashtu tha se nga garat deputete kanë dalë presidente, zëvendëskryeministre e ambasadore.
“Derisa debati feminist ka avancuar, sa herë flitej për barazinë gjinore ajo reduktohej me kuotën. Kuota ishte edhe sulm edhe faj, përderisa do të duhej të ishte kritikë, por për vet kritikët. Ecja e grave është ecje e shtetit të Kosovës. Pjesëmarrja e tyre ishte edukuese, fitoja e tyre emancipuese. Në këtë muaj që na obligon për njohjen e kontributit të grave po e mbajmë sot këtë aktivitet për deputetet që të ndihmojmë dhe të rrisim jetëgjatësinë e grave në jetën publike. Nuk ka pensionime meritore për gratë. Përvoja e tyre e vlefshme duhet të përdoret, të institucionalizohet dhe kontributi i tyre të bëhet pjesë e rëndësishme e vlerave shoqërore. Këtu janë të gjitha biografitë pasura të cilat ato ia ofruan Kuvendit të republikës: mjeke, aktiviste, gazetare , poete, arsimtare, artiste, inxhiniere, akademike, të gjitha u përkiten publikut, i vunë në funksion të qytetarëve. Ato deputete kanë arrit të bëhen presidente, ministre e zëvendëskryeministre, ambasadore. Janë në tavolina të rëndësishme politike. Në kryesi të partive dhe janë në terren, por ndoshta disa nuk janë fare në skenën publike dhe kjo është një humbje. Ato mund të jenë mentore të vajzave të reja, tu thonë të mos dorëzohen dhe të angazhohen shumë. Më vështirë ishte por më lehtë do të bëhet, nëse mësojmë nga përvojat pa përsëritur gabime”, tha Kurti.
Në nderim të këtij kontributi, Kurti ka lexuar emrat e të gjitha deputeteve.
Grupi Grave Deputete të Kuvendit të Republikës së Kosovës ka thirrur seancë shënjuese me të gjitha ish-deputetet e legjislaturave të mëparshme të Kuvendit të Republikës së Kosovës, me temën “Historia e deputeteve në Kuvendin e Kosovës – përparim dhe proces”.