Komisioni Qendror i Zgjedhjeve ka publikuar raportet financiare të partive politikë në Kosovë për vitin 2023.
Në publikimin e KQZ-së, thuhet se këto raporte janë të paaudituara dhe mund të pësojnë ndryshime dhe saktësime gjatë procesit të auditimit.
Të hyrat e Lëvizjes Vetëvendosje për vitin 2023 kanë qenë 2,098,592 euro, ndërsa shpenzimet 1,381,285 euro.
Të hyrat e Lidhjes Demokratike të Kosovës kanë qenë 723,169 euro, e ka shpenzuar 431,824 euro.
Partia Demokratike e Kosovës ka pasur 808,983 euro të hyra, teksa ka shpenzuar 715,986 euro.
Aleanca për Ardhmërinë e Kosovës ka pasur 280,000 euro të hyra dhe 268,016 euro shpenzime gjatë 2023-ës./teve1.info/.