Kryeministri i Kosovës, Albin Kurti, thotë se gjatë takimit me emisarin e Shteteve të Bashkuara të Amerikës, Gabriel Escobar, i ka kërkuar që Serbia të jap llogari për sulmin terrorist në Banjskë.
Tutje, gjatë takimit, Kurti ka bërë të ditur se Escobarin e ka njoftuar për hapat që ka ndërmarrë Qeveria e Kosovës për ta mbështetur tranzicionin e Bankës Qendrore të Kosovës.
“E kam falënderuar për mbështetjen e SHBA-së dhe kam theksuar nevojën për t’i kërkuar llogari Serbisë për sulmin në Banjskë. Po ashtu e kam informuar për hapat që Qeveria jonë ka marrë në mbështetje të tranzicionit të rregullores së Bankës Qendrore të Kosovës dhe gatishmërinë tonë për të adresuar çështjet në vazhdim”, ka shkruar Kurti në X.
Great to meet w/ @StateDept DAS Escobar. Thanked him for 🇺🇲’s support and stressed the need to hold Serbia accountable for the Banjska attack. Also informed him of steps our govt has taken to support the transition of @centralbank_ks reg & our readiness to address ongoing issues. pic.twitter.com/hjUsIgJZQF
— Albin Kurti (@albinkurti) March 14, 2024
Ndërkaq, Escobar gjatë deklarimit para gazetarëve ka treguar se kanë pasur një diskutim të mirë për çështjen e dinarit.
Escobar ka thënë se Kurti e ka marrë parasysh shqetësimin amerikan për efektin e ndalimit të dinarit tek serbët lokalë dhe ka premtuar që do t’i marrë parasysh disa prej propozimeve të tij./teve1.info/
Escobar pas takimit me Kurtin: Më premtoi se do t’i shqyrtojë propozimet që ia bëra për dinarin
