Qendërmbrojtësi Ardian Ismajli pritet t’i mungoj Kombëtares së Shqipërisë në grumbullimin e këtij muaji për shkak të lëndimit.
Përzgjedhësi Sylvinho të premten do ta publikoj listën e lojtarëve të ftuar për miqësoret e marsit por Ismajli nuk do të ftohet. Ismajli, i cili është pjesë e Empolit është dëmtuar në ndeshjen e fundit kampionale dhe tashmë ka nisur fazën e rikuperimit.
Skuadra nga Serie A, ka njoftuar se Ismajli e ka lënduar muskulin e kofshës së djathtë por nuk e ka bërë të ditur kohën që 27-vjeçari do të qëndroj jashtë fushe.
Ismajli u lëndua në ndeshjen kundër Milanit, ku u detyrua të largohej nga fusha në fund të pjesës së parë. Shkaku i lëndimit, Ismajli do t’i mungoj edhe Empolit në ndeshjen kampionale kundër Bolognas që luhet të premten mbrëma.
Shqipëria të hënën do ta nis grumbullimin për dy ndeshjet miqësore, me Kilin dhe Suedinë. Miqësoren me Kilin, Shqipëria do ta luaj më 22 mars në Itali, ndërsa tri ditë më vonë do të përballet me Suedinë në Stokholm.
