Kampionia e Kosovës në basketboll, Peja ka pësuar humbje nga AEL-i në kuadër të Ligës Ballkanike.
Në ndeshjen e luajtur të martën në Qipro, Peja u mposht me shifrat 85:80 për ta regjistruar humbjen e dytë këtë edicion në BIBL.
Ndeshja ishte në përgjithësi e barabartë, por AEL-i dallimin e bëri në çerekun e tretë, të cilin e fitoi me rezultatin 24:18 për fitoren e pestë rresht, që e ngrit në krye të tabelës me 12 pikë.
Larry Thomas dhe Deandre Davis me nga 21 pikë secili ishin më të dalluarit te Peja, ndërsa tek AEL-i u veçua Jordan Shepherd me 29 pikë të realizuara.
Ndeshjen e radhës, Peja e luan javën e ardhshme kundër Plevlës nga Mali i Zi, ndërsa AEL-i e pret Sigal Prishtinën.
