Derbi i xhiros së 28-të në Premier League të Anglisë, ka përfunduar pa fitues.
Dueli mes Liverpoolit dhe Manchester Cityt, i zhvilluar të dielën në stadiumin “Anfield Road” është mbyllur me shifrat 1:1.
Kampioni në fuqi, City ishte në epërsi prej fillimit të pjesës së parë, kur në minutën e 23-të shënoi John Stones pas asistimit të Kevin De Bruynet. Megjithatë, me të filluar pjesa e dytë, Liverpooli barazoi shifrat. Në minutën e 55-të, Alexis Mac Allister ishte i saktë nga penalltia për rezultatin përfundimtar.
Me këtë barazim, Liverpooli ka tubuar 64 pikë dhe është i dyti në tabelë, sa i ka edhe Arsenali në pozitën e parë. Ndërkohë, City ka 63 pikë dhe është në pozitën e tretë.
