Vendet ku ulen ata janë shumicën e kohës të lira.
E në seanca të Kuvendit, paraqiten vetëm dy herë në vit, apo çdo gjashtë muaj për t’u nënshkruar.
Në këtë formë, deputetët e Listës Serbe po e mbajnë mandatin e deputetit.
Nga Instituti Demokratik i Kosovës thonë se përveç paraqitjes në seanca të Kuvendit, këta deputetë duhet të nxiten për angazhim edhe në trupa të tjerë punues.
Sipas Arbër Thaçit – hulumtues në KDI, njëra nga format mund të jetë pjesëmarrja në komisione.
E që po keqpërdoret kjo pozitë nga ana e deputetëve të Listës Serbe e thonë edhe nga Instituti i Kosovës për Drejtësi.
Pas pesë muajve mungesë, më tetë shkurt deputetët e Listës Serbe kanë qenë për herë të fundit në seancë për t’u nënshkruar.
Ligjvënësit e ri serb, që nga betimi si deputetë në nëntorin e vitit 2022-të, kanë marrë pjesë vetëm tri here.
Sipas nenit 70-të të Kushtetutës, mandati i deputetit mbaron ose bëhet i pavlefshëm nëse mungon në seancat e Kuvendit gjashtë muaj rresht.
