Instituti Kombëtar i Shëndetësisë Publike të Kosovës (IKShPK) bën thirrje ndaj personave të ndjeshëm që të bëjnë kujdes, pasi që ajri nuk është i shëndetshëm në Prishtinë.
Instituti ka rekomanduar që të reduktohen daljet në mëngjes dhe mbrëmje, sidomos ata me sëmundje kronike e kardiovaskulare dhe respiratorë, fëmijët dhe shtatzënat.
Ndërkohë, rekomandohet se personat që duhet të dalin, duhet të përdorin maska mbrojtëse, të mbulojnë gojën e hundën me shall.
Të reduktohet pirja e duhanit jashtë ku ka qarkullim të njerëzve, e brenda hapësirave të mbyllura të ndalohet tërësisht.
IKSHPK rekomandon që të qëndroni në shtëpi dhe të mos i hapni dritaret për ajrosje.
