Pesë xhudistë kosovarë rikthehen në aksion në garën e radhës të xhudos, e cila do të mbahet nga e premtja deri të dielën, në Austri.
Në garën e radhës të turit botëror të xhudos, “Grand Prix Upper Austria”, në Linc, do të paraqiten Akil Gjakova, Loriana Kuka, Dardan Cena, Flaka Loxha dhe Fatjona Kasapi.
Të premten, garojnë Flaka Loxha e Fationa Kasapi, në kategorinë deri 57 kilogramë.
Të shtunën në tatami dalin Akil Gjakova e Dardan Cena, që garojnë në kategorinë deri në 73 kilogramë. Akili është pretendent i fuqishëm për medalje dhe Është bartësi i dytë.
Të dielën garon Loriana Kuka në kategorinë deri në 78 kilogramë dhe është bartësja e shtatë, nga kategoria e saj.
Këtë garë, e ka vlerësuar lart përzgjedhësi i Kosovës në xhudo Driton Kuka, i cili e sheh garë të rëndësishme në rrugëtimin drejt Lojërave Olimpike në Paris.
Ai ka vendosur të pushojë Distria Krasniqin e Laura Fazliun. Ndërkohë Nora Gjakova po e shëron një lëndim që e pësoi në garën e kaluar.
