Kryetari i Kuvendit, Glauk Konjufca, me rastin e 7 Marsit – Ditës së Mësuesit, priti në takim disa veteranë të arsimit, së bashku me ministren e Arsimit, Shkencës dhe Teknologjisë, Arbërie Nagavci.
Sipas komunikatës për medie të Kuvendit, në këtë takim kryetari Konjufca pasi uroi veteranët e arsimit për festën, falënderoi ata për kontributin e pazëvendësueshëm në edukimin dhe arsimimin e brezave.
“Kryetari Konjufca tha se mësuesit dhanë gjithçka nga jeta e tyre, për t’i përgatitur gjeneratat e reja për kontribut sa më të madh për kombin e atdheun. Kryetari i Kuvendit të Kosovës theksoi se me vetëmohimin e tyre gjatë periudhës së pushtimit, mësuesit kanë shërbyer si model dhe frymëzim në rezistencën dhe luftën për çlirim, ndërsa misioni i mësuesit edhe sot vazhdon të jetë i rëndësisë thelbësore. Mësuesit veteranë nga ana e tyre falënderuan kryetarin Konjufca për pritjen e ngrohtë dhe vëmendjen ndaj një çështjeje kaq madhore siç është arsimi”, thuhet në komunikatën e Kuvendit.
