Skuadra e Trepçës ka vazhduar me formën e mirë në Superligën e Kosovës në basketboll. Skuadra nga Mitrovica ka fituar derbin e xhiros së 23-të ndaj Sigal Prishtinës me rezultatin e ngushtë 78:75.
Në fakt, Trepça e ka siguruar fitoren në aksionin e fundit, në të cilin amerikani Kevin Capers shënoi pikët e fitores. Për Trepçën që ka 44 pikë dhe prinë në tabelë, kjo është fitorja e 16-të rresht në elitën e basketbollit Kosovar. Ndërkohë, Prishtina mbetet që regjistroj humbjen e dytë rresht, mbetet e treta në tabelë me 37 pikë të mbledhura.
Dy periudha i fitoi Prishtina, ndërsa dy të tjera Trepça, ekip që dallimin e bëri në çerekun e tretë (25:10). Po ashtu, në çerekun e fundit, ndeshja u ndërpre për disa minuta shkaku i fyerjeve në kor të tifozëve të Prishtinës dhe rifillioi pas zbrazjes së njërës tribunë. Kevin Capers dhe Darnell Edge ishin më të merituarit për këtë fitore.
Edge pati 21 pikë e 9 kërcime, ndërsa Capers shtoi 23 pikë për këtë fitore të Trepçës. Te Prishtina, qendra Diamond Stone pati 27 pikë e 9 kërcime por që nuk mjaftuan për të evituar humbjen nga Trepça