Kryetari i Kuvendit, Glauk Konjufca me rastin e shënimit të 26 vjetorit të “Epopesë së Ushtrisë Çlirimtare të Kosovës” sot ka bërë homazhe te Kompleksi Memorial “Adem Jashari” në Prekaz.
Ai tha se sa kohë të ketë popull shqiptarë, Prekazi do të jetë vend, ku jo vetëm që do të përkulemi, por edhe të frymëzohemi se si ta mbrojmë vendin dhe ta ushqejmë lirinë.
“Padyshim që në të gjithë historinë tonë së bashku me luftërat e lavdishme të Skenderbeut dhe Lidhjen e Prizrenit, sakrifica e Jasharëve dhe lufta e UÇK-së përbëjnë ndër ngjarjet më të rëndësishme për vetëdijën tonë kombëtare. Nuk është e rastësishme që të gjithë qytetarët shqiptarë nga të gjitha anët e botës vijën dhe përkulen para varreve të familjes Jashari që u flijuan për lirinë e fëmijëve tanë. Për sa kohë të ketë shqiptarë, gjithmonë do të jetë një vend ku jo vetëm përkulemi por gjejmë frymëzim dhe patriotizëm se si të mbrohet vendi dhe si të ushqehet liria”, tha Konjufca./teve1.info