Qeveria ka aprovuar kërkesën e Ministrisë së Mbrojtës që t’ia jap në shfrytëzim disa prona për ngritjen e kapaciteteve operacionale.
Ministri, Ejup Maqedonci tha se këto prona janë të një rëndësie të veçantë strategjike për vendosjen e kapaciteteve ushtarake të vendit tonë.
“Këto prona do të shfrytëzohen nga Ministria e Mbrojtjes për ngritjen e kapaciteteve operacionale sipas planit gjithëpërfshirës të tranzicionit. Pronat që kërkojmë t’i marrim në shfrytëzim janë prona të Republikës së Kosovës të përcaktuara në propozim vendim me njësi kadastrale në disa zona si Dumosh-Podujevë, Radojevë-Podujevë, Kaqubek-Podujevë, pra të Aeroportit të Dumoshit dhe Lugarë-Prishtinë. Këto prona janë të një rëndësie të veçantë strategjike për vendosjen e kapaciteteve ushtarake të vendit tonë, prandaj kërkojë miratimin nga ana juaj”, ka thënë Maqedonci./teve1.info
