Nga kjo masë ndihmës për luftimin e krizës ekonomike do të përfitojnë, pensionistët, personat me asistencë sociale, studentët e punëtoret e sektorit privat e publik.
Por ky vendim nuk do të shtyje grevën e paralajmëruar nga Sindikata e Bashkuar e Arsimit e Kosovës.
Kurse kryetari i Federatës së Sindikatave të Shëndetësisë së Kosovë, Blerim Syla në emisionin Këndi i Debatit në Tëvë 1 ka thënë se këto masa janë vetëm sa për të blerë kohë.
“Po nëse jipet vetëm për një muaj siç e përmendi Zotëri Kurti më të vërtetë është një diçka vetëm më ble kohë, pasi që Kurti është i vetëdijshëm që ka mu ballafaqua me kriza sociale dhe e reagime sindikaliste”, tha ai.
Ndërsa sipas Kryetarit të Sindikatës së Pavarur të Sektorit Privat, Jusuf Azemi 100 euro nuk janë të mjaftueshme dhe se nuk do të kenë ndonjë ndikim.
“Edhe nëse 10 cent i ndanë për punëtorët e ka vlerën e vet, por në gjithë këtë rrafsh unë po shoh diçka që kjo u bë me presionin e sindikatave, ndërsa në anën tjetër nuk i thurr sindikatat që të harmonizohemi si dhe qysh, kjo është diçka shumë e rëndë, në njëfarë forme po don ta marrë edhe detyrën e sindikatave. Nuk është zgjidhje pasi që ne jemi mësuar që të jetojmë në varfëri dhe këto 100 euro nuk do të lajnë najfarë sheje”, ka thënë Azemi.
Nga masat e reja për luftimin e krizës ekonomike do të përfitojnë rreth 800 mijë qytetarë.
Doresa Geci
