Banorët e një ndërtese në lagjen Dardania në kryeqytet po përballën me numër të madh të mushkonjave. Krejt kjo vjen si pasojë e erërave nga podrumi ku edhe derdhen ujërat e zeza. Nga Ndërmarrja Publike Banesore thonë se nuk kanë pasur ankesa për këtë nga banorët, ndërsa nga Komuna e Prishtinës kanë një arsyetim.
Po mundohen të shpëtojnë nga mushkonjat.
E largimi i tyre në të gjitha katet e një ndërtese në lagjen Dardania në kryeqytet po bëhet në këtë formë.
E mushkonjat nuk janë halli i vetëm i banorëve.
Kjo është gjendja e podrumit në të cilin derdhen ujërat e zeza e që po i shqetëson banorët e kësaj ndërtese.
Megjithatë këto ankesa, ata nuk i kanë adresuar tek Ndërmarrja Publike Banesore.
“Për lokacionin në fjalë, është e rëndësishme të theksohet se deri më tani nuk është raportuar asnjë ankesë ose shqetësim. Kjo tregon se punët janë kryer në mënyrë të përshtatshme dhe që qytetarët janë të kënaqur me shërbimin e ofruar nga Ndërmarrja Publike Banesore në këtë lokalitet. Megjithatë, qytetarët inkurajohen të vazhdojnë të përdorin këtë linjë të hapur të komunikimit për të njoftuar çdo shqetësim ose sugjerim në të ardhmen.”
E barra për dezinsektimin e objektit i bie komunës së Prishtinës.
Por për televizionin, nga komuna thonë se për këtë çështje, nuk kanë pasur ndonjë ankesë nga banorët.
Ndër të tjera drejtori u shpreh se së pari duhet të luftohet ajo që e shkakton atë e më pas të bëhet edhe dezinsektimi.
