Nënshkrime e serbëve në veri, janë në fazën përfundimtare të verifikimit në Komisionin Qendror Zgjedhor.
Madje, kryetari i këtij institucioni Kreshnik Radoniqi po thotë se java e ardhshme do të jetë koha kur përfundon i tërë procesi.
Pas gjithë kësaj procedure, KQZ organizon votimin për largimin e kryetarit nga funksioni, i cili zhvillohet jo më vonë se dyzet e pesë ditë nga konstatimi se janë mbledhur 20% e nënshkrimeve të votueseve të komunës përkatëse.
Mirëpo, kryetari i komunës së Zubin Potokut, Izmir Zeqiri ka dyshime nëse mund të arrihet numri 50+1 përqind në komunën ku ai udhëheq.
Zeqiri thotë se si zgjidhje vazhdon ta shoh vetëm një marrëveshje politike.
E kryetarët aktualë shqiptarë duhet ta lirojnë karrigen nëse nga numri i përgjithshëm i votave, 50% plus 1 janë pro largimit të tyre nga kjo pozitë.
