Dogana e Kosovës në bashkëpunim me Policinë kanë parandaluar kontrabandimin e mallrave përmes autobusit në pikëkalimin kufitar të Jarinjës.
Në mesin e këtyre mallrave që u zbuluan si të padeklaruara kishte produkte ushqimore, mbathje sportive e produkte tjera sportive, të cilat kapnin vlerën e gati 5 mijë eurove.
“Në momentin e hyrjes së një autobusi të linjës Serbi-Kosovë, i cili kishte si destinacion Kosovën, u zbuluan mallra të fshehura në një nga hapësirat e tij. Mallrat e zbuluara, të cilat ishin të pa deklaruara, përfshinin: produkte ushqimore, mbathje sportive, si dhe produkte tjera tekstili. Vlera totale e mallit që ka tentuar të futet në mënyrë të paligjshme në territorin e Kosovës është 4,793.48€. Autobusi është dërguar në terminalin Doganor të Mitrovicës nën mbikëqyrjen e stafit doganor dhe policor për një kontroll të hollësishëm”, thuhet mes tjerash në një postim në Facebook.
Nga Dogana njoftojnë se këto mallra janë konfiskuar dhe po trajtohen nga njësitë relevante. /teve1.info/
