Presidentja e Kosovës, Vjosa Osmani, është takuar në Kosovë me ambasadorin jorezident të Katarit, Jabor Ali Hussein Al Hawashela Al Dosari, nga i cili ka pranuar letrat kredenciale, raporton teve1.info
Në këtë takim, presidentja Osmani ka bërë të ditur se ambasadorit jorezident të Katarit i ka shprehur angazhim për formimin e partneritetit mes Kosovës dhe Katarit.
“Kënaqësi të mirëpresim ambasadorin jorezident të Katarit Jabor Ali Hussein Al Hawashela Al Dosari në Republikën e Kosovës. I urova sukses në mandatin e tij dhe shpreha angazhimin tonë të vendosur për të vazhduar forcimin e partneritetit tonë me Katarin”, ka shkruar Osmani në X.
Sipas komunikatës për media, Presidentja Osmani shprehu vlerësimin për përkushtimin e vazhdueshëm të Katarit për forcimin e marrëdhënieve dypalëshe me Kosovën si dhe kontributin e dhënë në këtë drejtim gjatë viteve.
“Sipas Presidentes Osmani, marrëdhëniet ndërmjet të dy shteteve janë shumë të mira, ndaj në këtë kontekst, shfaqi besimin se ato do të intensifikohen edhe më tej gjatë mandatit të ambasadorit Al Dosari. Presidentja Osmani shprehu besimin për vazhdimin e mbështetjes nga Katari si në procesin e anëtarësimit të Kosovës në organizatat ndërkombëtare ashtu edhe në fuqizimin e pozicionit të Kosovës në arenën ndërkombëtare. Presidentja Osmani dhe ambasadori Al Dosari, ndër të tjera diskutuan edhe për mundësitë e bashkëpunimit në fusha të ndryshme, në veçanti në fushën e ekonomisë, bujqësisë, energjisë, shëndetësisë dhe fusha të tjera./teve1.info/
Pleased to welcome Qatar’s non-resident Ambassador Jabor Ali Hussein Al Hawashela Al Dosari to the Republic of Kosovo.
I wished him success in his mandate and expressed our firm commitment to continue strengthening our partnership with Qatar. 🇽🇰🇶🇦 pic.twitter.com/xoaZJZQdXG
— Vjosa Osmani (@VjosaOsmaniPRKS) February 22, 2024
