Lideri opozitar në Serbi, Nikola Sanduloviq, ka thënë se shefi i diplomacisë së Bashkimit Evropian, Josep Borrell dhe emisari i posaçëm i BE-së për dialogun Kosovë-Serbi, Miroslav Lajçak, duhet ta kuptojnë se presidenti serb, Aleksandar Vuçiq, po punon kundër BE-së dhe NATO-s.
Përmes një postimi në “X”, Sanduloviq ka kërkuar përgjigje nga Borrell dhe Lajçak, për “heshtjen e tyre”.
“Miroslav Lajcak dhe Josep Borell, vërtetë nuk e shihni dhe kuptoni se Aleksandar Vuçiq po punon kundër BE-së dhe NATO-s, apo jeni edhe ju pjesë e atij konspiracioni serbo-rus në shpërbërjen e BE-së dhe fundin e NATO-s? Si duhet ta interpretojmë këtë? Keni heshtur mjaftueshëm, na keni borxh një përgjigje”, ka shkruar ai në platformën X.