Policia e Kosovës ka kërkuar ndihmën e qytetarëve për identifikimin e një personi.
Përmes një postimi në Facebook, policia ka kërkuar ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit, foton e të cilit edhe e ka bashkuar në postim.
Sipas policisë i dyshuari kërkohet për përfshirje në dy raste të vjedhjeve.
“Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192, thuhet më tej në njoftim.