Përveç homazheve të krerëve shtetëror, për homazhe në Prekaz u panë edhe mijëra qytetarë nga të gjithë vendet shqipfolëse. Gra e burra, me flamuj e plisa, folën për ndjenjat që ia jep ky vend dhe lirinë që e gëzon Kosova. Përveç që me veturave, qytetarët për të vizituar këtë vend legjendar erdhën edhe me traktorë, motorë e biçikleta.
Me plisa në kokë e flamuj në duar, mijëra qytetarë ia mësyn Prekazit.
Për 16 vjetorin e Pavarësisë, qytetarë nga të gjithë vendet e Kosovës, bënë homazhe në kompleksin memorial “Adem Jashari” dhe vizituan kullën e kësaj familje.
Në këtë festë, nuk munguan ata që luftuan për Kosovën e lirë.
Si obligim moral e shtetëror vizitën në Prekaz e sheh edhe Kadrije Dajçi Gashi, e cila ka ardhur nga Prishtina me shoqëri.
Ajo thotë se kjo kullë është historia e këtij shteti.
E prezent më së shumti në këtë përvjetor janë parë fëmijët.
Buzëqeshja e krenaria në fytyrë iu vërejt gjithë ditën.
Madje ky qytetar nga Prekazi tha se çdo vit i sjellë mbesën dhe nipin në këtë vend legjendar.
Gjatë ditës së shtunë, kolona të gjata ka pasur në rrugën për në Prekaz, pasi është vendi i cili ka më shumti vizitorë.
Përveç veturave, qytetarët kanë ardhur edhe me biçikleta, motorë e traktorë për vizitë.
