Deputetja e PDK-së, Ganimete Musliu ka thënë se pushteti ka filluar të bëhet i rrezikshëm e agresiv.
Ajo tha se ky pushtet në mungesë të rezultateve dhe si pasojë e dështimeve kanë filluar të sulmojnë deputetet e Kuvendit të Kosovës, e që sipas saj një gjë të tillë e përjetojë sot deputetja, Ariana Musliu-Shoshi.
“Një sulm të ligë e të papranueshëm e përjetoj edhe Ariana Musliu Shoshi sot në Komisionin Parlamentar kur po e ballafaqonte me argumente Besnik Bislimin. Ariana Musliu je deputetja me e përgatitur dhe me e zëshme në fushën e Diplomacisë, Dialogut dhe Marrëdhënieve Ndërkombëtare! Vazho me kokën lart!”, ka shkruar ajo.
Deputetja e Partisë Demokratike të Kosovës, Ariana Musliu-Shoshi, tregoi se gjatë raportimit të zëvendëskryeministrit, Besnik Bislimi, në Komisionin për Punë të Jashtme, është akuzuar për plagjiaturë gjatë kohës kur ishte studente.
Teksa tha se në këtë mbledhje s’ka pasur asnjë informatë konfidenciale, Musliu-Shoshi shtoi se Qeveria Kurti po tenton të ngritë “drama” në publik, kështu duke e mbajtur raportimin e Bislimit me dyer të mbyllura.
Musliu-Shoshi thotë se u akuzua për plagjiaturë: Mbledhja kaloi në nivel të ulët
