Sipas tij kërkesat e këtij komuniteti nuk kërkojnë kosto të lartë buxhetore por vetëm respektimin e ligjeve aktuale në Republikën e Kosovës siq është ligjii i punës.
Ai tha se duke e vërejtur injorimin në vazhdimësi nga institucionet e Republikës së Kosovës karshi kërkesave të tyre janë detyruar të hyjnë në grevë me 5 prill, që sipas tij ka qenë grevë paralajmëruese një orëshe .
“Kërkesa më e rëndësishme në renditjen e kërkesave është paga dinjitoze për stabilitet financiar duke pasë parasysh rritjen e kostos së shpenzimeve jetësore. Këkresa e parë është koeficienti 7.1 i pagave duke u bazuar në tabelorin që qarkullon në media dhe nuk është demantuar nga asnjë institucion. E dyta është rritja e menjëhershme e pagesës së punës gjatë natës të infermierëve, sepse kondsiderojmë se pagesa prej 18 eurove nuk mjafton sidomos për infermierët që udhëtojnë prej regjioneve tjera. Kërkesa tjetër është respektimi i ligjit të punës, respektivisht pagesa e orëve shtesë pagesa e rrezikshmërisë në punë, puna gjatë vikendeve dhe festave të cilat pavarësisht që janë beneficione që burim e kanë ligjin e punës komunitetet tona asnjëheë nuk i kanë përfitu këto bënëficione”, tha Duraku.
Shqetësim tjetër sipas tij është kthimi i departamentit të infermierisë brenda QKUK-së, sepse siç tha ai ajo është adresë e komuniteteve të infermierëve ku drejtohen për problemet sfidat që ata munden me i pasë.
“Kërkesë e radhës dhe shumë e rëndësishme është përfshirja e një anëtari nga komunitetet tona në bordin e Shërbimit Spitalor të Kosovës, sepse dihet që ne jemi 75% e fuqisë punëtore në sistemin shëndetësor kurse jemi të përjashtuar nga proceset. Ne kemi zhvillu takim me drejtorin e përgjithshëm spitalor dhe kemi parashtru kërkesat mirëpo propozimin për anëtarë të bordit e bën ministria e shëndetësisë e jo shërbimi spitalor” shtoi ai.
Duraku tha se komuniteti i infermierëve duhet të marrë veprime konkrete deri të arrinë realizimin e kërkesave të tyre.
“Komunitetet tona ka ardhur në atë pikë që ne nuk e kemi më luksin vetëm të ankohemi por të marrim veprime konkrete, në mënyrë që gjithë këtë zhgënjim me trajtimin e komuniteteve tona t’i gjejmë një zgjidhje dhe t’i japim vlerësim dhe rolin ashtu qysh e meritojmë si një nga komunitetet më produktive në vend. Ne do ta presim Shërbimin Spitalor Klinik dhe Universitar, ashtu siç jemi dakorduar dhe siç i kemi paralajmëru me nje komunikatë për media që me datë 14 do të konsolidohen të gjitha organet e sindikatës së infermierëve të Kosovës . Nëse deri në atë datë nuk do të ketë asnjë ndryshim do të pasojnë veprime dhe masa sindikale të cilat si kryesi nuk i kemi shumë në qef pasi që qytetarët i vuajnë pasojat por edhe ata duhet të na kuptojnë neve sepse jo gjithkush që e ka veshur një mantel të bardhë ka spital apo ordinancë private. Do të vazhdojmë me grevë të përgjithshme dhe nuk do të ndalemi derisa të realizohet edhe kërkesa e fundit e jona dhe greva do të shfrytëzohet si mjet i përmirësimit të gjendjes dhe mirëqenies ekonomike” shtoi ai.