I pari i Prishtinës përmes një postimi në Facebook është shprehur se është i vetëdijshëm për problemin me qentë endacak dhe sipas tij janë ndërrmarë disa veprime si trajtimi i qenve endacak përmes procesit KSVL, dhe hapja e 18 pikave të reja ushqyese, shkruan teve1.info.
Rama kërkoi bashkëpunim me komunat e tjera dhe Qeverinë e Kosovës, sepse sipas tij ky problem nuk mund të zgjidhet vetëm nga Komuna e Prishtinës.
“Me shqetësim pashë sot pamjet, ku një qytetare e Prishtinës sulmohet nga qentë endacakë! Ne jemi të vetëdijshëm për problemin shumë kompleks që kemi para vetes dhe në këtë drejtim kemi ndërmarrë disa veprime, si trajtimi i qenve endacakë përmes procesit KSVL (Kap, Sterilizo, Vaksino, Lësho) dhe hapjes së 18 pikave të reja ushqyese. Gjithashtu, po punojmë dhe kemi filluar procedurat për ndërtimin e strehimores për qentë. Por, kjo nuk mjafton për të eliminuar në tërësi këtë problem. Ky problem kompleks nuk mund të zgjidhet vetëm nga Komuna e Prishtinës, andaj kërkojmë bashkëpunim dhe bashkërendim të veprimeve edhe me Qeverinë e Kosovës dhe Komunat e tjera”, ka shkruar Rama në Facebook.
