Masat parandaluese u vunë në punë.
Përmes tyre – komuna e Prishtinës synoi që të rrisë sigurinë e qytetarëve.
Për erërat e forta, nga ky institucion u paralajmërua mbrëmjen e së shtunës.
E gjatë së dielës, dëmet filluan të shihen.
Prandaj për këtë ndihmoi ekipi i zjarrfikësve.
“Sot gjatë ditës ka shku mirë, megjithëse i kemi pasë pesë raste të kësaj natyre, pra janë intervenime që ne i quajmë intervenime teknike, ku ka t’bëjë me shkëputje të llamarinave dhe problemeve tjera që paraqiten në kulme”, tha Mal Gashi, ushtrues detyre i komandantit të zjarrfikësve në Prishtinë.
E deri në mesditë u regjistruan 12 raste të dëmeve materiale.
“Deri më tani kemi pasë 12 raste, kemi pasë dëme materiale, mirëpo nuk kemi pasë dëme në njerëz. Rastet kanë qenë të shpërndara në të gjithë pjesët e kryeqytetit, duke fillu prej fshatit Prugoc, ku është ra kulmi i një lokal hotelier dhe pastaj kemi intervenu në Dragodan, në Dardani, por edhe në pjesët tjera të qytetit”, bëri të ditur, drejtori për Siguri dhe Emergjenca në kryeqytet, Lulzim Fushtica.
Ai tha se situata është nën kontroll.
“Jemi duke përcjellë situatën sepse siç e shihni edhe moti nuk është i favorshëm deri më tani, jemi duke pritë, të gjitha ekipet janë në vend të ngjarjes ku kemi nevojë, ekipet e drejtorisë, shërbimi i zjarrfikësve dhe Policia e Kosovës”, tha ai.
Komuna e Prishtinës ka thirrur qytetarët për kujdes gjatë qarkullimit nëpër parqe e parkim të veturave afër pemëve, për shkak të rrezikut të rënies së degëve.
Sipas parashikimeve meteorologjike, era gjatë së dielës ishte me shpejtësi 20-80 km/h.
