Të enjten, premten dhe të shtunën zhvillohet xhiroja e 21-të në Superligën e Kosovës në basketboll, që është e fundit para garave të “Final 8” Kupës së Kosovës.
Turneu i Kupës zhvillohet në Gjakovë nga 13 deri 17 shkurt.
Sidoqoftë, edhe kjo xhiro do të dhurojë sfida mjaft të bukura. Java e 21-të hapet me përballjen mes rivalëve të vjetër në basketbollin e Kosovës, Pejës dhe Bashkimit. Kampionët e Kosovës janë në vendin e dytë me 15 fitore e pesë humbje, derisa prizrenasit në vendin e gjashtë me shtatë fitore e 13 humbje. Kjo sfidë zhvillohet të enjten nga ora 19:00 në palestrën “Karagaçi”. Në dy ndeshjet e para të këtyre dy skuadrave pejanët u treguan më të suksesshëm ku morrën pikë të plota.
Sfidë mjaft interesante shihet edhe ajo mes Trepçës dhe Golden Eagle Yllit, vendit të parë, përkatësisht të katërt në renditje. Mitrovicasit janë liderë me 18 fitore e dy humbje, kurse therandasit kanë 12 fitore e tetë humbje. Kjo ndeshje zhvillohet të premten nga ora 19:00. Në sfidat paraprake të zhvilluara nga këto dy tabore, dy skuadrat kan nga një fitore, ku e arritën në cilësin e vendasit.
Nw po të njëjtin orar, do të përballen edhe Proton Cable Prizreni me Istogun. Prizrenasit janë në vendin e shtatë me pesë fitore e 15 humbje, kurse istogasit të fundit me vetëm një fitore e 19 humbje. Prizreni ka bilanc pozitiv me “Djemt e Bjeshkës” me këta të fundit që kan triumfuar vetëm një herë ndaj Bashkimit.
Kjo xhiro përmbyllet të shtunën pikërisht me sfidën në Gjakovë, ku pritet atmosferë e mirë, derisa ndeshen Vëllaznimi dhe Sigal Prishtina. Sfidat mes këtyre dy skuadrave kan dhënë basketboll cilësor si dhe drama, ku në ndeshjet e këtij sezoni janë 1 me 1.
Kuqezinjtë ndodhen në vendin e pestë me nëntë fitore e 11 humbje, derisa bardhekaltrit në vendin e tretë me 13 fitore e shtatë humbje.