Liverpooli po e monitoron situatën e sulmuesit Federico Chiesa te skuadra e Juventusit.
Mediumet britanike raportojnë të mërkurën se Liverpooli është i interesuar në Chiesan, të cilin po synon ta transferoj këtë verë.
Madje, skuadra angleze është gati të ofroj mbi 50 milionë euro për ta bindur Juventusin në lirimin e Chiesas në fund të këtij edicioni.
Aktualisht, Chiesa është në negociata me Juventusin për kontratën e re, por palët ende nuk kanë arritur marrëveshjen. 26-vjeçari ka kontratë me Juventusin deri në vitin 2025, ndërsa këtë edicion ka shënuar 6 gola dhe ka bërë 2 asistime në 18 paraqitje në Serie A.
